الفنان سليمان نجيب

لعندما مات اخوه كان مسافر بالخارج  ، فطلب من صديقه يتولي كل المصاريف علي اساس يحاسبه  عندما يعود  ، وفعلا عاد وبدأ يحاسبه بالفواتير طلع المبلغ 299 وقرش واحد وخلوا بالكم من القرش ده .
المهم الراجل طلع دفتر الشيكات يكتب لصديقه المبلغ ، لكن واحد من الخدم قاله سليمان بيه كان شايل فلوس في الدولاب لمصاريف جنازته !
راح اخوه فتح الدولاب ولقي فلوس فكه كتير ، قعد يعدهم مصدقش نفسه ! المبلغ 299 وقرش واحد !
راح نده لصاحبه وقعدوا يعدوا تاني ويبصوا للفواتير ويحسبوها تاني وهم مذهولين  ! 
فتحوا الوصيه لقوه وصي بسيارته للسواق ، والمطبخ والسفره للطباخ وباقي الاثاثات لدار الاوبرا المصريه اللي هو كان رئيسها ! 
سليمان بك نجيب متجوزش لكن كان عنده خادمه مخلفه 3 اولاد رباهم وصرف علي تعليمهم كأنهم ولاده ، لما الدادة اللي ربته توفت رفضت العيله  تدفنها مع امه ، لانهم شايفنها خدامه حتي لو كانت هي اللي ربته وكان هو مسافر واتصلوا عليه ولما عرف قالهم تدفن مع امي طبعا هو فيه بيه وباشا في الموت كلها نومه واحده "عجايب عليكم ياناس عجايب" عرف من الطباخ انهم بيبنوا جامع في بلدهم والموضوع واقف بسبب الفلوس دفع مبلغ من جيبه وراح اتوسط وجاب اعانه 386 جنيه من الاوقاف للمسجد، 
كان الخدم الخاص تقريبا اصحاب البيت وهو اللي كان ساكن فيه كده عايشين كأنهم الملاك بحب منه وعشم فيه ياكلوا من اكله ومعاهم نسخ من المفاتيح يدخلوا ويخرجوا اي وقت .
 ولما كان يزعل منهم يسيب البيت ويخرج ويقولهم انا خارج وسايبلكم البيت .. ولما يرجع يقولهم انا جيت ارجع ولا ادخل..
الف رحمه ونور عليك يا سليمان بك نجيب