إياك تسمع من طرف واحد ,, حتى لو الطرف ده أبوك أو أمك!!!

إياك تسمع من طرف واحد ,, حتى لو الطرف ده أبوك أو أمك!!!

شادي الشاذلي يكتب 

فى بداية التعامل مع الدكتور أحمد  ,, دخلت مكتبة بشكوى وإنزعاج من أحد مديرى الإدارات وكان معى الحق تماماً فى ذالك الأمر,, وبمجرد ما بدأت الكلام ولسه حشرح التفاصيل ,, وقفنى ,,, وقالى,,,,"روح هات مدير الإدارة وإدخل مكتبى وانت معاه ,, وروح بلغه انك جى تقدم شكوى فيه ,, دلوقتى ومنتظرك وفورا ,,"

قولتوله لا داعى للإحراج ومش حقدر أعمل كدة ,,قالى ده أمر ولازم تنفذه!!

روحت فعلا ودخلت بزميلى المكتب قدامة ,, قالى ,, إتفضل يا شادى اتكلم وأحكى الشكوى ,, فا اتكلمت وقولت كل اللى عندى ,,,وراح طلب ورقة وقلم ,, وقسم الورقة نصفين ,, النص الاول فى إسمى والنص التانى فى إسم زميلى ,,, وبدا يسمع من كل طرف تفاصيل ومراحل وأصل المشكلة واسبابها ,,, وأكد ان محدش يكلم مع التانى ,, والكلام يكون موجه ليه هو وبس,,وبدأ يعمل مقارنه ما بين كل حاجة بدقة وتحليل متناهى,, وفى الاخر زميلى أخد تقيم 95% وانا أخد 65% ,, وطلع فى الأخر أن أصل المشكلة مش زميلى خالص وان فى أسباب أخرى هى اللى وقعت الضرر عليا,,

وقالى,, ها ياشادى مقتنع ,, قولتله طبعا يا دكتور أحمد ,, واعتذرت لزميلى جداً,,, وبعد كدة الدكتور أحمد قالى نصيحة فرقت معايا فى حياتى كلها,,,

(يا شاااادى ,, الانسان معقد ومتشعب وعميق ,, نظرته للأمور بتكون مرتبطة بذاكريات ومواقف قديمة ومتأثرة بالحالة النفسية والذهنية اللى بتتغير بوتيرة سريعة بسبب تغيرات البئية المحيطة سواء فى العمل أو البيت ,, وإياك تسمع من طرف واحد ,, لان كل واحد بيحكى الامر من منظور مختلف)

من ساعتها وبقالى أكتر من 10 سنين بعمل كدة وحتى مع أهل بيتى كلهم حتى لما يحصل مشكلة ما بين ولادى وأمهم ,, بجيب الورقة واسمع من كل الاطراف مهما كانت ثقتى فى اى طرف ,,

الدكتور أحمد علمنا معنى التفاوض وحل النزاعات وإنجاح الإجتماعات حتى لو كل الأطراف اللى فيه مختلفة فى كل حاجة.

 سلام يا صديقى وأستاذى وقدوتى ومعلمى ومديري وقائدي ..سلام يا كل حاجة,,,ربنا يرحمك ويغفر لك وينور قبرك زى ما نورت عقولنا,, فى الجنة ونعمها ان شاء الله.

#أحمد_الدجوي