رسالة من اب لبناني ابنه مفقود
“أنا بي… وما بدي شي من هل دني الا ابني..."
بقلم ريتا عطالله
أنا أنترانيك بيكاريان…
أنا بي… موجوع، مكسور، وتعبان.
صارلي 10 أيام ما نمت…
10 أيام وعيوني مفتوحة عالعتمة...
قلبي عم يدقّ على اسم واحد: باتريك…
ابني باتريك...مش رقم… مش خبر عابر…
هيدا قطعة مني، نفس بيطلع مني، حياتي كلّا.
ما بعرف وينو…
ما بعرف إذا بردان…
إذا جوعان…
إذا عم يبكي…
ما بعرف إذا عم يناديني وأنا مش قادر أوصلّو...
أنا اليوم ما عم بطلب المستحيل…
أنا عم بطلب حقّي كبي:
بدي ابني.
فخامة رئيس الجمهورية،
أنا عم بحكيك من وجع بي…
إذا بتعرف شو يعني ولد، بتعرف شو يعني غيابو.
تحرّك… تدخّل…
بس قولولي: ابني عايش؟ طيّب؟
ولا… قولولي الحقيقة، ولو كانت قاسية.
غبطة بطريرك الأرمن الكاثوليك ،
أنا ابن هالكنيسة… وهيدي صرختي إلك.
ما تتركني… كون صوتي…
ساعدني أعرف وين ابني، شو صار فيه...
أنا أنترانيك،
بي ما بقى عندو شي بهالدني غير أمل صغير.
بدي ابني…
حي… أو ميت…
بس بدي أعرف.
حرام تخلّوني ناطر بهالعتمة...
عنجد حرام...
باتريك ابنكم...وبدكم تردوه...
ما هو رد فعلك؟
إعجاب
0
عدم الإعجاب
0
أحب
0
مضحك
0
غاضب
0
حزين
0
واو
0
